قالوا لي شحالك .. وقلت [ الله يعين ]

قالوا لي شحالك .. وقلت [ الله يعين ]

الماضي أدركني ولا أدري ويش جاي



دارت على جروحي مشاويح السنين
وأنا بموت من الضمآ .. وأجحد ضماي


خطاي ماهو عيب .. يا من تستهين
ترى بداياتي الصحيحه من خطاي

أتعب على اللي لي .. وأجاهد و أستعين
وإن ما أنكتب قطيت ماضيي ورآي






وإن ماتت أحلامي .. مكبلت اليدين

جعل العوض في روس ربعي وأصدقاي



محدٍ خسرني فـ الحياه .. إلا ثنين
اللي جحد / واللي تكلم في قفاي

ومحدٍ كسبني غير وجه" ما يشين
لا ولعت رمضا القهر فآيه .. ذراي


[ الله أكبر ] .. كل ما حظي يزين ؟؟
عثرت في دربي ولا قدت عصاي



في عترة العشرين .. وأخشى الاربعين
أخاف حلمي .. ما يتحقق في صباي



يالله ياللي لك .. خضع قلب و جبين
تعفو عن ذنوني .. وتغفر لي خطاي



ويا رب تشفع لي بحب الصالحين
ماني بـ منهم .. بس قدهو ذا مداي



ويا جعل وقفاتي معا ربعي .. تبين
وإلا الردي .. يا جعل ما يكسب رضاي



لو تستحي الايام .. والحظ اللعين

ما كان ردت خاطري من مبتغاي



أضحك مع العالم وأنا قلبي حزين
عشان ما يدري عذولي وش بلاي



ما يذبح العاشق سوى / شوق وحنين

وما يحيي الهالك سوى / قطرات ماي


وإن مرو بطآري المحبه و الخدين
جريت لي تنهيدة .. باقصى حشآي


هو عاد عقبه زين وجه و زين عين
اللي بعآده .. داي .. ووصاله دواي



جسمه جمع .. كل الدلع .. ويذوب لين
كنه يقول من الترف شوفو حلاي



يا كثر ما يزعل .. من حكى العاذلين
وأقوله يا روح .. روحي .. هاك رآي



كثر المعاتب فـ الغلا .. ماهو بزين
لا تذبح ( أشواق المحبه ) يا هواي



ما كنت أحسب إن الوصل .. ماله وزين
إلا عقب حبه .. وشوقه في لقاي



لي منه .. الصدق وسلام" باليدين
وله مني .. عيوني والانفاس ووفاي



مشكلتي أني أعشقه .. وحكاه شين
لا شك ( طيبي فالغلا .. يغلب رداي )



لا أحتلت في قربه .. ولا شفته بعين
من النقا .. ما قد وصله إلا حكاي


قد مت قبل آموت .. من فرقا ضنين
حتى حلفت إني ما أعاتب في غلاي



قلبي من الفرقا / على قلبه زبين
وشوقي من اللهفه على شوفه مناي



ويلي على خشه .. وأشوفه كل حين
أو ليت ما يشوفه من العالم سواي




ان شاء الله يعجبكم تحياتي : نداء الروح