يا الله تعدي على خير

يالله تعدي هالدراسه على خير
وأجيب ياربي معدل خيالي
شهور ماحصلت غير المشاوير
ومعدلي ينزل ولاهوب عالي
الصبح نطلع للدراسه مداوير
والظهر كن حمولنا كالجبالي
ندور الراحه عقب هالعنا مير
الظاهر ان الوضع مابه مجالي
أحدن قضا صيفه ب لندن واغادير
وأحدن مصيفه بين شرح وسؤالي
الحيل بايد من جميع التفاكير
هم الدراسه فوق همن بقالي
همن يراودني وانا توي صغير
مع هبة النسناس يومه طرالي
هذي حياتي ما حصل أي تغيير
دوم آتعنا مير محدن عنا لي
ويالله تعدي هالدراسه على خير
وتخفف همومي وترحم بحالي